Հայաստանյան աշխատաշուկան լիբանանահայերի համար
Աշխատանք փնտրողների և գործատուների կապն ավելի դյուրին դարձնելու համար ՀՀ սփյուռքի գործերի գլխավոր հանձնակատարի գրասենյակը Repat Armenia հիմնադրամի հետ համագործացկությամբ նպաստում է աշխատատեղերի հավաքագրման գործընթացին:
Այս նպատակով կոչ ենք անում հայաստանյան աշխատաշուկայի ցանկացած ոլորտում գործունեություն ծավալող յուրաքանչյուր կազմակերպության և գործատուի միանալ այս նախաձեռնությանը՝ լիբանանահայ մեր հայրենակիցներին ներկայացնելով աշխատանքային հնարավորություններն ու աջակցելով Հայաստանում հաստատվելու նրանց պատրաստակամությանը:
Եթե դուք ունեք թափուր աշխատատեղ, խնդրում ենք մինչ սեպտեմբերի 30-ը լրացնել այս ձևաչափը՝ թողնելով աշխատատեղի մանրամասներն ու պարտականությունները` https://cutt.ly/FfS2LEw:
Հայաստանում աշխատանք փնտրող լիբանանահայերին առաջարկում ենք իրենց CV-ն ուղարկել employment@repatarmenia.org մինչ սեպտեմբերի 30-ը: Հիմք ընդունելով ձեր փորձառությունը, հմտություններն ու կարողությունները՝ մենք կառույցների և կազմակերպությունների համար կընտրենք համապատասխան թեկնածուներին և կհեշտացնենք համալրումների գործընթացը:
Սփյուռքի Գլխավոր Հանձնակատարի Գրասենյակ
