Կրայովա քաղաքում հիմնվեց Ռումինիայի Հայոց Միության մասնաճյուղ
Ձախից աջ։ Արսեն Արզումանյան, Կոնստանտին Բարսեղյան, Սաթենիկ Նեակշու, Խաչիկ Կարապետ, Անա-Մարիա Նեակշու
2020թ․ մարտի 4-ին ՌՀՄ գլխավոր քարտուղար Խաչիկ Կարապետի հետ այցելեցինք Կրայովա, որտեղ հիմնվեց ՌՀՄ մասնաճյուղ։ Սաթենիկ Նեակշուն (Մելիքյան ընտանիքից) ընտրվեց ՌՀՄ Կրայովայի մասնաճյուղի նախագահ, Կոնստանտին Բարսեղյանը՝ փոխնախագահ, Անա-Մարիա Նեակշուն՝ մասնաճյուղի քարտուղար։
Ըստ որոշ պատմական աղբյուրների՝ հայերը հաստատվել են Կրայովայում 15-րդ դարում, սակայն այս համայնքի վերաբերյալ այլ մանրամասներ հայտնի չեն մինչև 1915-1923թթ․ Հայոց ցեղասպանությունը։ Մի քանի տասնյակ ընտանիքից կազմված հայ համայնքը բավականին ակտիվ դարձավ Առաջին համաշխարհային պատերազմից հետո, և մի քանի տասնամյակ շարունակ քաղաքում բազմաթիվ հայկական միջոցառումներ կազմակերպվեցին։
Չնայած տարիների ընթացքում Կրայովայի հայերից շատերը մեկնեցին այլ վայրեր կամ կորցրին իրենց հայկական ինքնությունը՝ այսօր մի նոր առիթ է՝ վերսկսելու համայնքի գործունեությունը և կապ հաստատելու Ռումինիայի մյուս հայ համայնքների հետ։ Տիկին Սաթենիկ Նեակշուն ընդգծում է, որ բացի իր ցուցակագրած մոտ 20 հայերից՝ պետք է փնտրի հայկական ծագմամբ այլ մարդկանց ևս։
Հաջողություն ենք մաղթում նոր մասնաճյուղին հետագա գործունեության մեջ։
Արսեն Արզումանյան
